布吉自駕遊。Phuket(Noodle Soup Best Ever & Wassana BBQ)

4月22日 - 4月29日 (布吉自駕遊8天之旅)

4月23日(星期一..Day 2)~知老闆like食local noodle

游完早水..揸車出去"Noodle Soup Best Ever"食早餐

一人一個"豬肉丸湯麵"~跟上香草及蔬菜

湯麵仲有蘿蔔,豬肉片及豬肉丸

湯麵加入上芽菜,金不換,椰菜~變得更加豐富

麵質柔軟帶彈性~整體超級好味

食店除左粉麵..仲有BBQ~老闆再點一份"豬扒"

肉質嫩+好香~除左豬扒..仲有燒雞翼/雞腿+燒魚(消費:130B..約$33)

4月28日(星期六..Day 7)~老闆念念不忘話好味

再同佢encore~因為得牛/豬..所以都係揀豬肉丸湯麵

另叫一份"燒雞"~燒雞無豬扒咁吸引..可能太啖啖肉

老闆果頭先話..唔會係泰國食燒魚~轉頭見到又叫黎食

"燒魚"..肉質一般~佢食完又話..唔會再係泰國食燒魚喎(哈哈)

出發前..老闆又話想食"泰式火鍋(Buffet Hotpot)"

之前Chernglay果間好唔錯~不過車程太太太遠啦

好在咁岩搵到附近有一間..仲可以walk過去添

咁沿路當散步..出去行下+食晚餐(Condotel對面係Rawai Beach)

依間壽司店都好多外國人幫襯

附近有間拳館

Rawai Beach每日有好多團出海(一日遊)~夜晚會係依間食晚餐

幾車幾車大媽大叔送入去~送得佢地入去食飯都知咩事

所以我地唔會幫襯囉(哈哈)

上圖間餐廳+依張既魚市場都算係新開既

個個泰國人都識講國語..主力兜售海鮮

沿海邊有好多海鮮食店~比較多local+外國遊客幫襯

(Day 1)我地係其中一間"Talay-Zeb Seafood"食晚餐

依間原本想去食..不過要清Condotel買左既啤酒

所以......有藉口~留返下次再去囉 :p

 吸引我想去..係因為入面好有情調(浪漫啊)

由大街轉入小巷..有2間食店

(Day 2)Dinner..Wassana BBQ

老闆娘介紹有咩食..前後有4個凍櫃放肉+海鮮

自助區..有6款調味醬料~由微辣到勁辣

粉麵類都有

"燒烤 & 火鍋炭爐"

叫啤酒..跟上冰杯

預先雪左半杯冰~再倒入啤酒

但缺點就係..d冰溶左~啤酒就淡晒

我都係比較鐘意食佢地d菜..好爽脆+新鮮

估唔到d餃子+魚豆腐都好食~肉類都好唔錯..海鮮就得蝦+魷魚

比之前食過果間..係少好多選擇呢

老闆鐘意+岩佢食果d呢..係特別積極架(哈哈)

仲負責燒埋比我食添^^

食物款式唔算多..食材好新鮮

整體味道ok~主要食local風味(消費:658B..約$165)

(待續)